香港客大推Only You 君川/姿雅/華生/Ella

我地係17號影，而本來我地係選擇係陽明山黑森林+真愛桃花園既攝影基地影 (我地一直好擔心天氣，因為由13號開始，每日都有落雨😩)

去到16號晚，攝影師君川Line我地，話佢check晒天氣個啲，都預左台北一定會落雨，主動問我地會唔會想轉去苗栗既楓林隧道+愛麗絲的天空攝影基地影。佢亦都有好清晰咁講明有可能會超時，而且因爲車程遠，要再提早1個鐘Set頭個啲，有早妝費😌咁我地考慮左一陣，都決定聽佢既專業意見，向苗栗岀發 (而事實証明我地係冇揀錯) 🤩

拍攝當日，我地要6點到達佢既自家攝影棚Set好第一個造型先😴入面空間好大好舒服，環境都幾靚😁👍🏻

一開波就試晒女仔既衫，睇下合唔合身先，佢地有個改衫師傅Stand By好係度，唔岩即刻再改，非常貼心👍🏻

我自己本身就有化妝，所以我都帶定自己既化妝品俾造型師 姿雅 (諗住有咩帶咩😂) 姿雅成個化妝過程都會問你意見有商有量，令我覺得非常貼心🥰傾計途中，我先知道佢地原來係每一個Job既前一晚都需要坐底開會，超認真😱

總共我係有3個造型 (兩件婚紗都係同一個造型，只係轉左頭飾) ，我自己覺得係非常襯件衫既style🥰 姿雅除左造型之外，重會不停咁幫我地影相同埋係過程中非常盡責咁執我個look👍🏻👍🏻👍🏻

當日除左有攝影師 君川，重有個攝影助手 華生。佢地全部都好Nice，好好傾。就算冇影開相既都完全冇問題，佢地會所有姿勢都Set好晒俾你教你擺。(要注意，君川既風格係中意近鏡多少少，中意影互動多)成個果程非常愉快😍👍🏻

其實我覺得佢地好均真，因為午餐只係中途係7-11買既飯盒，係到達攝影基地個時，佢地自己互相配合，我化妝時攝影師食，影相時就造型師食，全部都係15分鐘內食完，唔會影響到我地 (叫佢地慢慢食，反而會同我地講時間唔等人😂)

相係造型師 姿雅幫我地側拍未修圖，但係已經好靚😍我好期待45日後揀相，再修圖既成品🙈🙈希望快啲啦🤩 (我地係包36張修圖，但係全部200張相係會俾原檔我地😁)

總括，成個體驗都非常好，雖然攰左少少，但係好值得🤩👍🏻

感謝！

新娘秘書: Ella

造型師: 姿雅 

攝影師: 君川

攝影助理: 華生